1In princìpi gh'èra el Verbo, e 'l Verbo l'èra arent al Signur, e 'l Verbo l'èra el Signur.
2Lü l'èra in princìpi arent al Signur.
3Tüte le robe i én stai fai per mèŝu de lü, e sensa de lü gnent l'é stai fai de quel che l'eŝiste.
4In lü gh'èra la vita, e la vita l'èra la lüŝ di òmini;
5e la lüŝ la brila nel scürùr; e el scürùr l'ha 'surbida no.
6Gh'é stai un om mandad dal Signur; el sò num l'èra Giovanni.
7Lü l'èra vegnüd cume testimoni per purtà testimuniansa de la lüŝ, perchè per mèŝu de lü tüti i gh'avésun da crede.
8L'èra no lü la lüŝ, ma lü el gh'éva da purtà testimuniansa de la lüŝ.
9La lüŝ, quela vera, che la inlümina ogni om, la steva per vegnì al mund.
10Lü l'èra nel mund, e el mund l'èra stai fai per mèŝu de lü e el mund l'ha ricunusüd no.
11L'èra vegnüd ne la sò caŝa, e i sò l'han vursüd no.
12Ma a tüti quei che i g'han dervid la porta g'ha dài la facultà de diventà fiöi del Signur, a quei che i crédun nel sò num,
13che i én nasüdi no da sangue, né da vuluntà de carne, né da vuluntà de un om, ma dal Signur.
14E el Verbo el s'é fai carne e l'é vegnüd a stà in meŝ a nüm. E nüm ém rimirad la sò gloria; gloria che, cume Ünich Fiöl, lü el g'ha da sò Pàder, pien de grasia e verità.
15Giovanni ghe dà testimuniansa; e el vuŝa: «Lü l'é quel che ve diŝévi: Quel che 'l vegn dopu de mì, l'é püsé avanti de mì, perchè l'èra prima de mì».
16Da la sò pienesa tüti nüm gh'ém avüd grasia sü grasia.
17Difati, la Lege la gh'é stai dài per mèŝu de Mosè; la grasia e la verità i én vegnüde per mè
u de Gesù Cristo.
18Nisün l'ha mai vist el Signur; ghe l'ha fai cunùs lü, el Signur Ünich Fiöl, che l'é una roba sula cul Pàder.