4 - L'Annuncio a Maria
Luca 1, 26-38

26Ses meŝi dopu, l'àngiul Gabriele l'èra stai inviad dal Signur in una cità de la Galilea ciamada Nazareth, in viŝita 27a una fiöla, che la ghe parleva a un om de la caŝa de Davide, che 'l se ciameva Giuseppe; el num de la fiöla l'èra Maria..
28L'àngiul, quan' l'é stai in cà sua, ghe diŝ: «Ave, o piena de grasia; el Signur l'é cun tì».
29Lé, tüta scumbüsulàda nel sentì ste parole, la penseva che roba i vurévun dì.
30Ma l'àngiul ghe diŝ: «Véghe no pagüra, Maria, perchè t'hé truad grasia davanti al Signur. 31Ecu, tì te restaré incinta e te metaré al mund un fiöl e te ‘l ciamaré Gesù.
32«Lü el sarà grand e la ciamaran Fiöl de l'Altìsim, e 'l Signur ghe darà el trono de Davide, sò pàder, 33e 'l regnarà ni seculi sü la caŝa de Giacobbe, e 'l sò Regno el finisarà mai».
34Alura Maria ghe diŝ a l'àngiul: «Ma in che manera püdarà sücéde quel che te me diŝi, datu che mì son vergine?».
35L'àngiul ghe respunde: «El Spìritü Sant el vegnarà giù sura de tì e la putensa de l'Altìsim te quatarà de la sò umbra; l’é per quest che el sant che nasarà el vegnarà ciamad Fiöl del Signur.
36«Pensa che anche Elisabetta, tò parenta, vegia ‘me l’é, la se tröva incinta de un fiöl; e lé, che tüti i credévun che la püdéva no avéghe fiöi, l'é già de ses meŝi; 37perchè gh'é gnent de impusìbil per el Signur».
38Alura Maria ghe diŝ a l'àngiul: «Ecu la serva del Signur; che sücéda de mì secund cunfurma a le tò parole».
E l'àngiul el s'é
ŝluntanad.